بعيش بقلب متألم
ولا اتعلم
بإن الحب اخره فراق
جبل أشواق
شوفته بعيني و بيتهد
وكان الرد
طبيعي لانك عشت عشيق
تموت بالضيق
وتنزف حب حد الموت
ف يصرخ صوت
كأنة ثورة ضد الحق
بكلمة لا
انا المخلص بقلب وروح
وانا المسفوح
بطعنة مداها عدى القلب
من غير ذنب
وقع من شده الطعنه
كأنها لعنه
او مس جن شيطاني
وشوش وداني
ابعد عني وإنساني
ده وجداني
بيطلب حد مش موجود
لقيت اخدود
بيحضن قلبي ويعانقه
وكان خانقة
ف حس بروحه بترفرف
وبتعانى
سيوف من هجر طعناني
حبال تتشد خنقاني
انا المجني وبقيت الجاني
سجين وقتلني سجاني
دعيت الصبر يصبرني
ف ضل الصبر عنواني
جزء من قصيدة (شهيد اشواق)
بقلمي وليد الصفتي
